واٹس ایپ نے ڈیسک ٹاپ ورژن کے لیے ایک نئے آپشن پرکام شروع کردیا ہے جسے جزوی طور پر روکا (پوز) اور بحال کیا جاسکے گا۔ آس سہولت کا تقاضہ خود صارفین ایک عرصے سے کرتے رہے تھے۔

اس کی وجہ یہ ہے کہ لوگ ڈیسک ٹاپ میں ایک وقت میں بہت سارے کام کرتے ہیں اور اس کے لیے بار بار وائس ریکارڈنگ کو جاری کرنا ، روکنا اور پھر شروع کرنا ہوتا ہے۔ واٹس ایپ کی خبردینے والی ویب سائٹ ڈبلیو اے بی ٹا انفو نے سب سے پہلے اس کا تذکرہ کیا ہے۔

پہلے مرحلے میں ہی یہ سہولت تمام آپریٹنگ سسٹم کے لیے پیش کی جائے گی۔ اس سے قبل واٹس ایپ آڈیو فائل بھیجنے سے پہلے اسے سننے کا آپشن بھی پیش کرچکا ہے جسے بالخصوص محتاط صارفین نے بہت سراہا ہے۔ لیکن اب اس آپشن کو بھی بہت سے صارفین دیکھ سکتے ہیں جبکہ اس کی حتمی ریلیز کی تاریخ جلد ہی دی جائے گی۔

بعض صارفین نے واٹس ایپ کے ڈیسک ٹاپ ورژن میں سرخ رنگ کا پوز بٹن بھی دیکھا ہے اور اس کے اسکرین شاٹ بھیجے ہیں۔ واضح رہے کہ یہ واٹس ایپ کے جدید ترین بی ٹا ورژن میں یہ آپشن دیکھا جاسکتا ہے۔