شاہ محمود قریشی نے کہا ہے کہ بھارت کشمیر پر دو طرفہ مذاکرات کے لیے تیار نہیں، مذاکرات کے لئے پاکستان مخلص ہے جبکہ بھارت پیچھے ہٹ رہا ہے

تفصیلات کے مطابق اقوام متحدہ کے جنرل سیکریٹری سے ملاقات کے بعد پریس کانفرنس کرتے ہوئے وزیر خارجہ شاہ محمود قریشی کا کہنا تھا کہ مقبوضہ کشمیر کی صورتحال بھارت کا اندرونی معاملہ نہیں ہے، مقبوضہ کشمیر میں انسانی حقوق کی بھارتی خلاف ورزیاں تشویشناک ہیں۔

شاہ محمود قریشی امریکاروانہ

شاہ محمود قریشی نے کہا کہ 80 لاکھ کشمیریوں کو 5 اگست 2019ء کے بعد سے لامتناہی کرفیو کا سامنا ہے، عالمی برادری کشمیریوں کو بھارتی جبر سے نجات دلانے کے لئے کردار ادا کریں۔

وزیر خارجہ کا کہنا ہے کہ کشمیر کے مسئلے پر سلامتی کونسل میں 5 ماہ میں دوسری بار بات ہوئی ہے۔

انھوں نے کہا کہ مشرق وسطیٰ کسی نئی محاذآرائی کا متحمل نہیں ہوسکتا، اقوام متحدہ کے سیکریٹری جنرل کو مشرق وسطیٰ میں کشیدگی میں کمی کے لئے کوششوں سے آگاہ کیا۔

شاہ محمود قریشی نے مزید کہا کہ اقوام متحدہ کے سیکریٹری جنرل کو دورہ ایران اور سعودی عرب سے بھی آگاہ کیا۔