ماہر نفسیات کا کہنا ہے کہ دیر سے اور بڑی عمر میں کی جانے والی شادیاں زیادہ پائیدار ہوتی ہیں۔

اس حوالے سے ایک رپورٹ میں بتایا گیا ہے کہ دیر سے شادی زیادہ خوشیوں کا باعث بنتی ہے جس کی سب سے بڑی وجہ سمجھداری ہے۔

ماہر نفسیات کے مطابق بڑی عمر میں شادی زیادہ اچھی ہوتی ہے کیونکہ جوڑے میں ایک دوسرے کو سمجھنے کی زیادہ صلاحیت ہوتی ہے۔

اسکے علاوہ اگر لڑکی کی عمر چھوٹی ہو تو یہ ضروری ہے کہ لڑکا میچیور ہو تاکہ کسی بھی قسم کی بدمزگی سے بچا جا سکے۔

بڑی عمر کے افراد اپنی ذمہ داریاں اچھے اور بہتر طریقے سے نبھانا بہت اچھے سے جانتے ہیں، یہ ہی وجہ ہے کہ ماہر نفسیات بڑی عمر میں یعنی جب انسان باشعور ہو جائے اور اپنی ذمہ داریاں اچھے سے نبھانا سیکھ جائے، اس وقت شادی کرنے کا مشورہ دیتے ہیں۔

اسکے برعکس بڑے بوڑھے کہتے ہیں کہ بچیوں کی شادیاں جلدی کر دینی چاہئیں جبکہ کچھ باشعور افراد یہ بھی کہتے ہیں کہ لڑکی بالغ ہو تو فوراً اسے رشتہ ازدواج میں منسلک کر دینا چاہیئے۔