بھارت میں 2 منہ اور 4 آنکھوں والا بچھڑا لوگوں کی توجہ کا مرکز بن گیا ہے۔

بھارت کے شمال مشرقی ضلع گوماتی میں اس بچھڑے کی پیدائش ہوئی ہے جس کی ویڈیو سوشل میڈیا پر وائرل ہوگئی ہے۔

سوشل میڈیا پر وائرل ہونے والی ویڈیو میں دیکھا جا سکتا ہے کہ متجسس تماشائی قطار میں کھڑے اس عجیب و غریب بچے کو اپنی ماں کے ساتھ ایک شیڈ میں لیٹے ہوئے دیکھ رہے ہیں۔

ایک سے زیادہ سر کے ساتھ پیدا ہونے والے جانور جنہیں Polycephaly کہا جاتا ہے، بمشکل چند ماہ سے زیادہ جیتے ہیں۔

مقامی ڈاکٹر اس بچھڑے کی دیکھ بھال کررہے ہیں لیکن ان کا خیال ہے کہ اس کے زندہ رہنے کے امکانات بہت کم ہیں۔

واضح رہے کہ اس سے قبل بھی بھارت میں کے ایک گاؤں میں 3 آنکھوں والے بچھڑے کی پیدائش ہوئی جس کے ناک میں بھی 4 سوراخ ہیں اور اس عجیب و غریب بچھڑے نے سب کو حیرت میں مبتلا کردیا تھا۔