ملک میں  چینی کی  بڑھتی قیمتوں  کو ریسورس گیئر لگ گیا۔

تفصیلات کے مطابق  20 روز میں چینی کی تھوک قیمت میں 17 روپے کلو کمی ہوئی ہے۔

تھوک مارکیٹ میں چینی کی بوری 9500 روپے سے کم 7800 روپے ہوگئی ہے۔ چینی کی پرچون قیمت 100 روپے سے بتدریج کم ہو کر 82 روپے فی کلو ہو گئی ہے۔

چینی کی قیمتوں میں کمی  نئی چینی مارکیٹ میں آنے کے بعد ہوئی ہے۔

گذشتہ سال گنے کی قیمت 180 روپے من اور چینی کی پیداواری قیمت 59 روپے تھی جو 100 روپے کلو تک فروخت ہوئی۔

رواں سال گنے کی امدادی قیمت 200 روپے اور چینی کی مجوزہ پیداواری قیمت 62 روپے کلو ہوگی۔

چینی کی قیمت کا تعین کرنے کے لیے وفاقی سطح پر کمیٹی بنائی گئی جو تقریبا چھ ماہ گزرنے کے باوجود قیمت مقرر نہیں کرسکی۔