حکومت پاکستان کے اعلان کردہ بجٹ میں پاکستان میں صرف تین کاروں کی قیمتوں میں کمی ہوگی۔

سوزوکی بولان کارگو وین کی قیمت میں لگ بھگ 60 ہزار کے قریب کمی متوقع ہے، جس کے بعد سوزوکی بولان کارگو وین کی نئی قیمت 10 لاکھ 10 ہزار ہوسکتی ہے جبکہ اس کی پرانی قیمت 10 لاکھ 75 ہزار روپے ہے۔

اسی طرح سوزکی بولان وی ایکس یورو 11 لاکھ 34 ہزار کی پرانی قیمت سے 10 لاکھ 65 ہزار روپے ہونے کا امکان ہے۔

اسکے علاوہ آلٹو کاروی ایکس ایل کی موجودہ قیمت 16 لاکھ 33 ہزار اور یکم جولائی کے بعد 15 لاکھ 30 ہزار ہوگی جبکہ آلٹو کار وی ایکس 11 لاکھ 98 ہزار کی قیمت سے کم ہوکر 11 لاکھ 24 ہزار تک ملے گی۔

آلٹو وی ایکس آر 14 لاکھ 33 ہزار اور یکم جولائی سے 13 لاکھ 45 ہزار کی ملے گی جبکہپرنس پرل کی قیمت 11 لاکھ 49 ہزار اور یکم جولائی کے بعد 10 لاکھ 77 ہزار ہوگی۔