پاکستان کی نا موراداکارہ صبا قمر نے اپنی نئی فلم ’’کملی‘‘ کی پہلی جھلک سو شل میڈیا پر شئیر کر دی ہے جو کہ تیز ی سے وائر ل ہو رہی ہے۔

تفصیلات کے مطا بق نا مورڈائریکٹر سرمد سلطان نے نئی فلم ’’کملی‘‘ کے ٹائٹل رول کیلئے با صلا حیت اداکارہ صبا قمر کو منتخب کر لیا ہے اور فلم کی شوٹنگ بھی شروع کر دی گئی ہے۔

صبا قمر اس فلم میں ٹائٹل رول کر رہی ہیں جبکہ دیگر کا سٹ کے با رے میں ابھی کو ئی اطلا عات شئیر نہیں کی گئی۔

See more

 سرمد سلطان نے 2018ء میں بھی دو فلمیں بنانے کا اعلان کیا تھا، پہلی فلم ’زندگی تماشا‘ مکمل ہو چکی ہے جبکہ اس کی ریلیز کی تیاریاں جاری ہیں۔

ذرائع کے مطابق سرمد سلطان لیجنڈ ہدایت کار و پرو ڈیو سر شعیب منصور کی طرح نہایت خاموشی اور رازداری سے کام کرتے ہیں اسلئے انہوں نے بذات خود فلم کی کاسٹ اور شوٹنگ کے بارے میں کسی کو نہیں بتایا۔

سما جی را بطے کی ویب سا ئٹ انسٹا گرام پراداکارہ صبا قمر نے اپنی اس نئی فلم کملی کی کچھ تصویریں پوسٹ کی ہیں جس سے اندازہ لگایا جا سکتا ہے کہ وہ پانی کے اندر موجود ہیں اور اس سے بات یقینی ہو گئی ہے کہ فلم کی شوٹنگ بھی شروع ہو چکی ہے۔

صبا قمر کی پو سٹ کر دہ ان تصویروں پر ’کملی‘ اور ’کھوسٹ فلمز‘ کا واٹر مارک بھی واضح نظر آ رہا ہے،تا ہم یہ فلم کب ریلیز کےلئے پیش کی جا ئے گی فی الحال ابھی یہ معلوم نہیں۔