پاکستان شو بز انڈسٹری کی صف اول کی اسٹارجوڑی زاہد احمد اور صبا قمر ٹی وی کے بعداب بڑے پردے پردھوم مچانے کو تیار ہے۔

تفصیلات کے مطابق سما جی را بطے کی ویب سائٹ انسٹا گرام پر اداکار زاہد احمد نے اپنے پیغام میں مدا حوں کو خوشخبری دیتے ہوئے لکھا ہے کہ ہاں یہ سچ ہے کہ میں نے اور صبا قمر نے ایک ساتھ فلم سائن کی ہے۔

See more

ذرائع کے مطابق ڈراماسیریل ’’زہے نصیب‘‘ اور ’’بے شرم‘‘ سے شہرت حاصل کرنے والے اداکار زاہد احمد نے اپنی پوسٹ میں صبا قمر کو پاکستان کی بہترین اداکارہ قرار دیتے ہوئے کہا کہ شوبز میں کسی چیز کی گارنٹی نہیں دے سکتے لیکن میں اس فلم کو بہترین بنانے کے لئے بھرپور محنت کروں گا۔

صرف یہی نہیں بلکہ زاہد احمد نے اس فلم میں ٹی وی کے جا نے مانے اداکار سید جبران کے اہم کردار ادا کرنے کی بھی تصدیق کی۔

واضح رہے کہ اس فلم میں زاہد احمد اورصبا قمر مرکزی کردارادا کررہے ہیں جبکہ ان کے علاوہ فلم کی دیگر کاسٹ میں نیر اعجازاور سہیل احمد بھی شامل ہیں۔

فلم کا نام ابھی تک فائنل نہیں کیا گیا ہےتاہم اسے محسن علی نے تحریر کیا ہے جب کہ ثاقب خان فلم کو ڈائریکٹ کررہے ہیں اور حسن ضیا اور جمیل بیگ فلم کے پروڈیوسر ہیں۔

فلم عیدالاضحیٰ کے موقع پرپاکستان بھر میں ریلیز کی جائے گی۔