شوبز سے کنارہ کرنے والی اداکارہ وگلوکارہ رابی پیرزادہ عمرے کی سعادت حاصل کرنے سعودی عرب چلی گئیں۔

تفصیلات کےمطابق رابی پیرزادہ مکہ مکرمہ میں عمرے کی سعادت حاصل  کرنے کے بعد مدینہ منورہ جائیں گی ۔ رابی پیرزادہ سعودی عرب میں  دو ہفتے قیام کریں گی ۔ انہوں نے کہا کہ ’اللہ کے گھر جانا میری خوش نصیبی ہے اور میں اپنی ذات ، اہل خانہ ،دوستوں اورملک و قوم کیلئے خصوصی دعائیں مانگوں گی ۔

https://twitter.com/Rabipirzada/status/1221015999325114369?s=20

خیال رہے کہ رہے کہ حال ہی میں انہوں نے غریب بچوں کی تعلیمی اخراجات کا بیڑا اٹھا لیا ہے۔

رابی پیرزادہ نے حال ہی میں کیلی گرافی بنائی تھی اوراس کی نمائش بھی لگائی تھی جس کی مدد سے وہ بچوں کی تعلیمی اخراجات میں مدد کر رہی ہیں۔

رابی پیرزادہ نے سماجی رابطے کی ویب سائٹ ٹوئٹر پر ایک ویڈیو شیئر کی ہے جس میں چند بچے ان کی کیلی گرافی آرٹ کی تصاویر ہاتھ میں اٹھائے ہوئے ہیں۔

رابی پیرزادہ نے ایک   ویڈیوپوسٹ کی جس کے ساتھ  کیمپشن میں لکھا کہ اگر والدین اپنے بچوں کو ان کے پاس تعلیم حاصل کرنے کے لیے بھیجیں تو میں ان کے گھر کا خرچ اٹھانے میں مدد کریں گی۔

انہوں نے کہا کہ  اگر لوگ ایک لڑکے کو تعلیم حاصل کرنے کے لیے بھیجتے ہیں تو اس کے بدلے 500 روپے ماہانہ اور اگر اپنی بیٹی کو بھیجیں تو 1000 روپے دوں گی۔

واضح رہے رابی نے تمام لوگوں سے درخواست کرتے ہوئے کہا کہ ان کا کیلی گرافی آرٹ خرید کر ان بچوں کی تعلیم حاصل کرنے میں ان کی مدد کریں۔

گزشتہ روز قبل رابی کی جانب سے سماجی رابطے کی ویب سائٹس پراپنی خطاطی کی ویڈیوز شیئرکی گئیں تھی اور انہوں نے کیپشن میں لکھا ہے تھا کہ ’جب اللہ کے راستے پر چلتے ہیں تو اللہ خود راستہ دکھاتا ہے۔‘

سوشل میڈیا ویب سائٹ پرانہوں نے یہ اعلان بھی کیا تھا کہ جلد وہ اپنی خطاطی کی نمائش بھی کریں گی۔ رابی پیرزادہ نے اپنے پیغام میں ہیش ٹیگ ’چھوٹی سی بات‘ کا بھی استعمال کیا تھا۔

شیئر کی جانے والی ویڈیوز کےبیک گراؤنڈ میں ان  کی آواز میں نعت سنی جا سکتی ہے۔

pic.twitter.com/9nHdfpW8Cy

— Rabi Pirzada (@Rabipirzada) January 9, 2020

ویڈیو میں دیکھا جاسکتا ہے کہ وہ سورہ قدر اور سورہ فاتحہ کی  نہایت دلکش انداز میں خطاطی کی گئی ہے۔

یاد رہےکہ رابی پیرزادہ کی دو ماہ قبل نازیبا تصاویر اور ویڈیوز سوشل میڈیا پر لیک ہوگئیں تھیں جس کے بعد انہوں نےاپنےایک ویڈیو پیغام کے ذریعے شوبز انڈسٹری سے کنارہ کشی کا اعلان کیا تھا اور باقی کی زندگی اسلام کے لیے وقف کرنے کا بھی کہا تھا۔