پاکستانی اداکارہ صبا قمر کا انداز  اور ان کا نام کسی بھی قسم کی تعریف کا محتاج نہیں ہے، ان کا نام ہی اپنے آپ میں ایک بڑی پہچان ہے۔

شوبز انڈسٹری میں اداکارہ صبا قمر اپنے منفرد انداز اور بے باکی کی وجہ سے بھی بے حد مشہور ہیں

دوسری جانب بلال سعید بھی پاکستان کے بہترین گلوکار میں شمار کئے جاتے ہیں۔

اطلاعات ہیں کہ مسجد میں فلمائے جانے والے گانے کے الزام میں اداکارہ صبا قمر اور گلوکار بلال سعید کے وارنٹ گرفتاری ایک بار پھر جاری کیے گئے ہیں۔

صبا قمر اور اداکار بلال سعید کے البم کے ایک گانے کی ویڈیو سوشل میڈیا پر وائرل ہوئی تھی جس میں دونوں فنکار لاہور کی مسجد وزیر خان میں موجود تھے۔

ویڈیو سوشل میڈیا پر وائرل ہوتے ہی دونوں فنکاروں کو شدید تنقید کا سامنا کرنا پڑا اور تھانہ اکبری گیٹ میں دفعہ 295 کے تحت دونوں کے خلاف مقدمہ بھی درج کرایا گیا  تھا جس کے بعد ان کے ضمانت بھی منظر کرلی گئی تھی ۔

لیکن اب  جوڈیشل مجسٹریٹ نے دونوں فنکاروں کے مسلسل غیر حاضر ہونے پر وارنٹ جاری کیے ہیں۔

خیال رہے کہ اداکارہ صبا قمر اور گلوکار بلال سعید پر مسجد میں ویڈیو شوٹ کرنے کے الزام میں مقدمہ زیر سماعت ہے۔