صبا قمر نے کورونا ویکسین کی دوسری ڈوز لگوالی

پاکستان کی نامور اداکارہ صباء قمر نے کورونا ویکسین کی دوسری ڈوز بھی لگوالی۔

صبا قمر نے فوٹو اینڈ ویڈیو شئیرنگ ایپ انسٹاگرام پر اپنی ایک تصویر پوسٹ کی جس میں دیکھا جا سکتا ہے کہ اداکارہ ویکسینیشن سینٹر میں موجود ہیں۔

شئیر کی گئی تصویر میں اداکارہ کالے رنگ کا لباس زیب تن کی ہوئی ہیں اور ساتھ میں کالے رنگ کا بیگ بھی ہے۔

صبا قمر نے تصویر کے کیپشن میں لکھا کہ میں اب ویکسین شدہ ہوں ،آپ بھی اپنے پیاروں کو ویکسین لگوائیں۔

واضح رہے کہ صباء قمر نے اپنی کورونا ویکسین کی پہلی ڈوز مکمل کرتے ہوئے ویڈیو شیئر کی تھی۔

ویڈیو میں اداکارہ کورونا ویکسینیشن سینٹر میں موجود تھیں اور اپنی ویکسینیشن کی پہلی ڈوز لگوانے کے لئے تیار تھیں ۔

مذکورہ ویڈیو میں اداکارہ کو کورونا سے خفاظت کے لئے پہلی ڈوز لگائی جارہی تھی جس میں وہ تھوڑی ڈری ہوئی بھی معلوم ہورہی تھیں۔

اس ویڈیو کو شیئر کرتے ہوئے اداکارہ نے اپنے مداحوں کو بتایا تھا کہ انہوں نے بھی کورونا سے بچاؤ کے لئے ویکسینیشن کروالی۔

خیال رہے کہ دنیا بھر میں کورونا وباء کے پھیلاؤ کی وجہ سے ہر چھوٹا، بڑا، امیر اور غریب ویکسینیشن کروانے میں آگے ہے۔