معروف پاکستانی اداکار یاسر حسین نے اپنی ننھی مداح منہا سے ملاقات کرکے معصوم بچی کو خوش کردیا۔

اداکار نے اپنی انسٹا اسٹوری پر ایک ویڈیو پوسٹ شیئر کی جس میں اداکار اپنی ایک ننھی مداح منہا سے ملاقات کرتے نظر آرہے ہیں۔

ویڈیو میں منہا کی یاسرحسین سے ملاقات کا منظر بہت ہی دلچسپ ہے کیونکہ دیکھنے میں یہ بچی اتنی چھوٹی سی ہے لیکن جیسے ہی اس کی والدہ نے اسے بتایا کہ یہ یاسر انکل ہیں تو وہ خوشی سے اداکار سے گلے ملی اور تصاویر اور ویڈیوز بھی بنوائیں۔

انہوں نے یہ پوسٹ شیئر کرتے ہوئے لکھا کہ منہا ان کی سب سے پیاری مداح ہے۔

بچی کی والدہ نے اپنی اس ملاقات کے بارے میں اپنی انسٹا گرام پوسٹ میں یہ بھی بتایا کہ یاسر حسین سے ان کی بیٹی منہا کی یہ ملاقات اس وقت ہوئی جب وہ اداکار کی گلی سے گزر رہی تھیں اور وہ اپنے گھر کے باہر ان لوگوں کو نظر آئے۔