عمرشریف کو امریکا لے جانے والی ایئر ایمبولینس جرمنی پہنچ گئی
مشہور پاکستانی کامیڈین عمر شریف کو علاج کے لئے امریکا لے جانے والی ایئر ایمبولینس جرمنی پہنچ گئی۔
کراچی سے روانگی کے بعد 7 گھنٹے 15 منٹ کے مسلسل سفر کے بعد ایئر ایمبولینس نے نیورم برگ میں پہلا اسٹاپ کیا ہے۔
ایوی ایشن ذرائع کے مطابق نیورم برگ میں طیارے کی ری فیولنگ کی جارہی ہے اور طیارے کے انجن کو ریسٹ دیا جائے گا اس کے بعد ایئر ایمبولینس طیارہ اپنے ہوم کنٹری جرمنی میں دو گھنٹے قیام کرے گا۔
جرمنی سے روانگی کے بعد ائیر ایمبولینس آئس لینڈ کے کیفلاوک ایئر پورٹ پر ری فیولنگ کرے گی۔
آن کال انٹرنیشنل کمپنی کے ہیڈ کوارٹر کینیڈا میں گوس بے پر بھی طیارے کا 2 گھنٹے کا اسٹاپ ہوگا۔
اگلے اور آخری مرحلے میں پرواز حتمی منزل واشنگٹن ڈی سی ایئر پورٹ پر لینڈ کرے گی۔
بعدازاں ایئر ایمبولینس سے عمر شریف کو امریکا کے جارج واشنگٹن یونیورسٹی اسپتال منتقل کیا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News