منشیات کے کیس میں گرفتا آریان خان کی انڈسٹری کی معروف اداکارہ کے ساتھ کی جانے والی واٹس ایپ چیٹ لیک ہوگئی ہے۔

اس حوالے سے رپورٹس میں بتایا گیا ہے کہ عدالت میں سماعت کے دوران  آریان اور ان کی ساتھی اداکارہ کی واٹس ایپ چیٹ عدالت میں پیش کی گئی ہے جس میں ان دونوں نے منشیات سے متعلق گفتگو کی تھی۔

علاوہ ازیں آریان خان کی منشیات فروخت کرنے والوں کے ساتھ بات چیت کی آڈیو بھی عدالت میں پیش کی گئی ہے۔

یاد رہے کہ گزشتہ روز آریان خان سمیت منشیات کیس میں ملوث 5 افراد کی درخواست ضمانت ایک بار پھر مسترد کردی گئی تھی جس کے بعد ہائی  کورٹ سے ضمانت کے لئے رجوع کرنے کا فیصلہ کیا گیا ہے۔

خیال رہے کہ بھارت کے نارکوٹکس کنٹرول بیورو (این سی بی) نے ممبئی میں جاری ایک کروز پارٹی میں موقع پر چھاپہ مار کر بالی ووڈ کنگ شاہ رخ خان کے صاحبزادے آریان خان سمت 10 نامور افراد کو منشیات استعمال کرنے کے الزام میں گرفتار کرلیا ہے۔

 ان پر الزام ہے کہ انہوں نے اس پارٹی میں منشیات کا استعمال کیا جس پر انہیں ایک روزہ ریمانڈ پر این سی بی کے حوالے کردیا گیا ہے۔