پاکستان کے معروف گلوکار فلک شبیر نے اپنی اہلیہ سارہ خان کو پھول نہ دینے کی وجہ بتادی۔
گلوکار نے سوشل میڈیا انسٹا گرام پر مداحوں کے لئے سوالات کا سیشن رکھا اور مختلف سوالوں کے دلچسپ جوابات دیے ۔
فلک شبیر نے پھولوں سے متعلق ایک سوال کا جواب دیتے ہوئے کہا کہ وہ آج کل سارہ خان کو پھول دیتے ہیں مگر اب سوشل میڈیا پر دکھاتے نہیں ہیں۔
فلک شبیر نے ایک اور سوال کا جواب دیتے ہوئے بتایا کہ میں آج کل کنسرٹس میں مصروف ہوں اور سارہ خان میرے بغیر کہیں نہیں جاتیں اسی لئے ہم صبور کی شادی میں شرکت نہیں کر سکے۔
انہوں نے ایک سوال کے جواب میں کہا کہ اُن کی اور سارہ خان کی عمر میں 12 سے 13 سال کا فرق ہے اور ہمارے درمیان کوئی سوری یا تھینک یو نہیں چلتا۔
ایک مداح کے سوال کے جواب میں فلک نے کہا کہ وہ اتنی معصوم سی ہے کہ آج تک غصہ نہیں آیا اور نہ ہی کبھی کروں گا،انشاللہ۔
واضح رہے کہ گزشتہ سال والدین کا درجہ حاصل کرنے والی شوبز کی معروف جوڑی اداکارہ سارہ خان اور گلوکار فلک شبیر کے ہاں 8 اکتوبر کو بیٹی کی پیدائش ہوئی تھی جس کا نام انہوں نے عالیانہ فلک رکھا ہے۔
اداکارہ سارہ خان اور فلک شبیر اپنے مداحوں کے ساتھ اپنی خوبصورت تصاویر شیئر کرتے رہتے ہیں جس پر اُن کے مداحوں کی جانب سے منٹوں میں ہزاروں لائیکس اور تعریفی کمنٹس آجاتے ہیں ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News