پاکستان کی مشہور و معروف اداکارہ ریما خان کی ریمپ پر واک کرتے ویڈیو وائرل ہو گئی ہے۔

حال ہی میں اداکارہ نے اپنے انسٹاگرام اکاؤنٹ پر ویڈیو پوسٹ کی ہے جسے مداحوں کی جانب سے خوب پسند کیا جارہا ہے۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Reema khan (@iamreemakhan)

Advertisement

شیئر کی گئی ویڈیو میں دیکھا جاسکتا ہے کہ اداکارہ ریمپ پر واک کر رہی ہیں اور بیک گراؤنڈ میں بھارت کا مشہور گانا جیا جائے نا لگا ہوا ہے۔

اس سے قبل اداکارہ اپنے شوہر اور بین الاقوامی شہرت یافتہ ماہر امراض قلب ڈاکٹر طارق شہاب کے ساتھ پاکستان کے دورے پر تھیں۔

 اداکارہ اپنے شوہر کے ساتھ انڈس اسپتال پہنچی تھیں  جہاں انہوں نے کراچی میں پیڈیاٹرک اونکولوجی وارڈ کا دورہ کیا تھا۔

چیئر پیڈیاٹرک سروسز انڈس اسپتال ڈاکٹر محمد فرید الدین نے ریما خان کو اسپتال میں امراض اطفال کے مختلف شعبہ جات کے بارے میں بریفنگ دی تھی۔

انہوں نے اسپتال کے بیسڈ اسکول ’انڈس کے ساتھ‘ کا بھی دورہ کیا اور پیڈیاٹرک اونکولوجی میں زیر علاج بچوں سے طویل ملاقات کی تھی جہاں ان کے اسکول کی تعلیم جاری رکھنے کا موقع فراہم کیا جاتا ہے۔

ریما خان ڈے کئیر یونٹ بھی گئی تھیں جہاں کیموتھراپی کے لئے موجود مریض بچوں کی خوب دلجوئی کی اور بچوں کے ساتھ اچھا وقت گزارا۔

اداکارہ نے علاج کے لیے خیبرپختونخوا سے آئے بچے سے پشتو اور افغانستان سے آئے ہوئے مریض بچے کے ساتھ فارسی میں گفتگو کی۔

ریما خان نے مریض بچوں کے ساتھ تصویریں بنائیں، اداکارہ سے مل کر مریض بچے اور ان کے والدین بہت خوش ہوئے تھے۔

انہوں نے موذی امراض میں مبتلا بچوں کو دیکھ کر پہلے افسوس اور پھر خوشی کا اظہار کرتے ہوئے کہا کہ دکھ اس بات کا ہے کہ معصوم بچے کس کس طرح کے امراض میں مبتلا ہیں اور خوشی اس بات کی ہے کہ ان کے علاج اور دلجوئی کے لیے انڈس اسپتال کی انتظامیہ ہرممکن اقدام اٹھا رہی ہے۔

واضح رہے کہ کراچی میں انڈس اسپتال اور صحت کے نیٹ ورک کی پیڈیاٹرک اونکولوجی یونٹ خطے میں اور پاکستان میں سب سے بڑا ہے جس میں 85 بستر کی سہولت ہیں۔

جہاں کراچی اور پاکستان کے مختلف دور دراز علاقوں سے ہی نہیں بلکہ افغانستان اور ایران سے بھی مریضوں مفت صحت یابی کے لئے یہاں آتے ہیں۔

انڈس اسپتال ڈاکٹر عبدالباری خان نے کورنگی کراچی میں 2007 میں قائم کیا تھا اور اب ملک کے 52 اضلاع اور پاکستان کے 13 بڑے اسپتالوں کا ایک نیٹ ورک بن گیا ہے۔