بالی ووڈ کے معروف اداکار وکی کوشل کا کہنا ہے کہ والد نے کبھی اپنی کار چلانے نہیں دی۔

 حال ہی میں بالی ووڈ کے معروف اداکار وکی کوشل نے اپنے ایک انٹرویو میں کہا کہ ان کے کرئیر کے ابتدائی دنوں میں جب وہ اسٹرگل کر رہے تھے تب ان کے والد نے کبھی بھی اپنی گاڑی چلانے کو نہیں دی لہٰذا وہ بس اور رکشے میں ہی سفر کرتے تھے۔

وکی کوشل نے کہا کہ ان کے والد کے گاڑی دینے سے انکار کی وجہ یہ تھی کہ وہ مجھے یہ سبق دینا چاہتے تھے کہ آسائش اور بنیادی ضرورت میں بہت فرق ہوتا ہے، بنیادی ضرورت وہ ہے جو مجھے دی جائیگی، تاہم آسائش کے لیے مجھے خود ہی محنت کرنی پڑے گی۔

اداکار نے کہا کہ میرے والد کی جانب سے یہ ایک اصول ہمیشہ سے رہا، میں جب کالج جاتا تھا، پھر جب اسسٹنٹ ڈائیریکٹربن گیا تب بھی میں بس اور رکشے میں ہی سفر کرتا تھا ، تاہم میں صرف تب والد کی کار چلالیا کرتا تھا کہ جب اپنی والدہ کو یوگا کلاسز کیلئے چھوڑنا ہوتا تھا۔

واضح رہے کہ وکی کوشل کے والد شام کوشل بالی وڈ میں ایکشن ڈائریکٹر ہیں جبکہ وکی کے بھائی سنی کوشل بھی بالی وڈ میں بطور اداکار قدم رکھ چکے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں