پاکستان کی معروف اداکارہ و میزبان صنم جنگ تنقید کی زد میں آگئی ہیں۔
حال ہی میں اداکارہ صنم جنگ نے اپنے انسٹاگرام اکاؤنٹ پر ایک ویڈیو پوسٹ کی تھی جس میں انہیں مثالی جیون ساتھی کی خوبیاں بیان کرتے ہوئے دیکھا جاسکتا ہے۔
وائرل ویڈیو میں صنم جنگ نے کہا کہ اگر کوئی مرد اپنی بیوی کو گاڑی چلانے کی اجازت دے کر اسے بااختیار بناتا ہے، اس کا بینک اکاؤنٹ کھولتا ہے اور کیریئر کو آگے بڑھانے میں اس کی مدد کرتا ہے، تو وہ شادی کے لیے موزوں پارٹنر ہے۔
انہوں نے کہا کہ اگر کوئی مرد اپنی بیوی کو کام کرنے سے روکتا ہے یا اسے مالی طور پر خود مختار ہونے نہیں دیتا تو یہ صحیح انتخاب نہیں ہو سکتا۔
تاہم اب اداکارہ سوشل میڈیا صارفین کی جانب سے شدید تنقید کا شکار ہیں، بیشتر صارفین کا کہنا ہے کہ شادی کیلئے صحیح جیون ساتھی کا انتخاب صرف اپنی بیویوں کو خود مختار بنانے سے نہیں کیا جاسکتا بلکہ صحیح شخص وہ ہے جو اپنی بیوی کو خوش رکھے، اس کے ساتھ اپنا تعلق مضبوط کرے اور جذباتی طور پر اس کی بھرپور حمایت کرے۔
کچھ صارفین کا کہنا ہے کہ صنم جنگ ایک عام فیمنسٹ ہیں جو مالی آزادی کی بات کر رہی ہیں اور ان کا حقیقت سے کوئی تعلق نہیں ہے کیونکہ بہت سے مرد اپنی بیویوں کو خود مختار بناتے ہیں لیکن ان کا احترام کبھی نہیں کرتے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News