ملک بھرمیں ڈینگی کے واربدستور جاری، کراچی کا سردموسم بھی ڈینگی کے وار نہ روک سکا۔

تفصیلات کے مطابق  شہرکراچی میں مزید 143شہری ڈینگی کا شکار ہوگئے جبکہ سندھ کے دیگر اضلاع سے مزید 9 کیسز ڈینگی کے سامنے آ گئے۔

 رواں سال صوبے بھر میں ڈینگی کا شکار ہونے والے شہریوں کی تعداد 14 ہزار 814 سے تجاوز کر گئی۔

 کراچی سے رواں سال 13 ہزار 797 سے زائد شہری ڈینگی کا شکار بنے جبکہ سندھ کے دیگر اضلاع سے ایک ہزار 17 سے زائد کیسز رپورٹ ہوئے ہیں۔

خیال رہے کہ  رواں سال ڈینگی سے اب تک 41 ہلاکتیں ہو چکی ہے گزشتہ سال 2088 شہری ڈینگی سے متاثر ہوئے جن میں سے 2 جاں بحق بھی ہوئے۔ 2017 میں 2927 ڈینگی کے کیس رپورٹ ہوئے تھے جن میں سے 12 جاں بحق ہوئے.

دوسری جانب حیدرآباد کے سول ہسپتال کے ڈینگی وارڈ میں 10 مریض رپورٹ ہوئے ہیں۔