چین کے شہر ووہان سے پھیلنے والے کورونا وائرس نے اس وقت چین سمیت دنیا بھر میں کھلبلی مچادی رکھی  ہے ۔

 چین نے اب ایک ایسی ایپ متعارف کروائی ہے جس کے ذریعے کرونا وائرس  کی آسانی کے ساتھ تشخیص کی جاسکتی ہے۔

‘کلوز کانٹیکٹ ڈیٹیکٹر ‘نامی ایپ صارف کو اس وقت آگاہ کرتی جب اس شخص کے قریب کوئی ایسا شخص موجود ہو جس میں کورونا وائرس کا شبہ یا تصدیق کی جا چکی ہو۔

کروناوائرس کی دواقسام ماضی میں بھی دریافت ہوئیں،رپورٹس

 صارفین اس نئی ایپ کو موبائل ایپلی کیشن کے ذریعے کیو آر کوڈ اسکین کر کے استعمال کر سکیں گے، صارفین کو ایپ میں اپنا فون نمبر، نام اور آئی ڈی نمبر بھی فراہم کرنے ہوں گے۔

یہ ایپ ان افراد کی نشاندہی کرتی ہے جن میں کورونا وائرس کے خطرات پائے جاتے ہیں اور ساتھ ہی ایپ ایسے شخص کو گھر پر رہنے کا مشورہ دینے کے ساتھ ساتھ مقامی محکمہ صحت کے حکام کو بھی اس حوالے سے آگاہ کرتی ہے۔

علاوہ ازیں محکمہ صحت کی جانب سے جاری ہونے والے سرکلر اور ہدایت نامے بھی اسی ایپ کے ذریعے صارفین کو گھر بیٹھے مل سکیں گے۔

یاد رہے کہ چین کے شہر ووہانگ سے پھیلنے والے مہلک کرونا وائرس کو ایک روز قبل عالمی ادارۂ صحت نے Covid-19 کا باقاعدہ نام دیا، اب تک اس وائرس کی وجہ سے ایک ہزار سے زائد شہری ہلاک ہوچکے جبکہ چالیس ہزار سے زائد متاثر ہوئے ہیں۔