سعودی وزارت صحت نے فلو، زکام اور کورونا وائرس کی علامات میں فرق واضح کر دیا۔
عرب خبر رساں ادارے کے مطابق سعودی وزارتِ صحت کا کہنا ہے کہ کورونا اور فلو زکام میں فرق کرنا مشکل کام ہے لیکن ان دونوں کی علامات میں فرق ہے۔
سعودی وزارتِ صحت نے کورونا اور نزلہ زکام کی علامات میں فرق بتاتے ہوئے کہا کہ سردی سے ہونے والے زکام میں عام طور پر چھینکیں، ناک کا بہنا اور بند ہونا ہوتا ہے جو فلو کی علامات میں سے ہے۔
جبکہ کورونا کی علامات اس سے تھوڑی مختلف ہیں، کورونا کے مریض کو سانس لینے میں مشکل ہوتی ہے اور اس سے متاثرہ شخص کی سونگھنے کی صلاحیت بھی ختم ہو جاتی ہے۔
ان کا کہنا تھا کہ صرف یہی نہیں بلکہ کورونا وائرس کا شکار مریض کے چکھنے کی حِس کے ختم ہونے کے علاوہ گلے میں سوزش بھی ہوتی ہے۔
جبکہ انفلونزا کی علامات کے بارے میں بتاتے ہوئے انہوں نے کہا کہ اس مرض میں عام طورپرمریض کے جسم اورسر میں درد کے علاوہ سردی کا شدید احساس ہوتا ہے۔
واضح رہے کہ جنہیں کورونا کا شدید حملہ نہیں ہوتا ان میں عام علامات ظاہرنہیں ہوتیں یا کم ہوتی ہیں۔
تاہم ان میں بھی سونگھنے کی اور چکھنے کی حس متاثر ہوتی ہے جو کورونا ختم ہونے کے بعد بھی کافی عرصہ تک باقی رہتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News