آج ہم آپکو اصلی انڈوں کی نہایت ہی آسان پہچان بتائیں گے۔

انڈا ایک مکمل غذا ہے اور دنیا کی بڑی آبادی دن کے آغاز یا کسی بھی حصے میں انڈا کو اپنی غذا میں ضرور شامل رکھتی ہے۔

مکمل غذا ہونے کی وجہ سے انڈوں کی خریداری بھی اسی تسلسل سے کی جاتی ہے لیکن آپ کو یہ جان کر حیرت ہوگی آج کل بازار میں نقلی یعنی پلاسٹک کے انڈے بھی فروخت کئے جارہے ہیں۔

یہ انڈے بلکل اصلی انڈوں کی طرح ہی نہ صرف نظر آتے ہیں بلکہ ذائقہ میں بھی بے حد مماثلت رکھتے ہیں۔

یہ بھی پڑھیں: انڈے صحت کے لیے فائدہ مند یا نقصان دہ، جانیے

پلاسٹک کے اںڈے

ان انڈوں کی تیاری میں کئی طرح کے کیمیکل استعمال کئے جاتے ہیں، ان مصنوعی انڈوں میں زردی پلاسٹک کی گیند جیسی ہوتی ہے اور انڈے ہلکے گلابی رنگ کے ہوتے ہیں۔

ان انڈوں کے چھلکے کیشیم کاربونیٹ جبکہ سفیدی اور زردی ایلگی نیٹ، جی لیٹنگ، کیلشیم کلورائیڈ، پانی اور فوڈ کلرز سے تیار کی جاتی ہے ان نقلی انڈوں کا کاروبار موسم سرما میں کافی فروغ پاتا ہے۔

ان انڈوں میں موجود کمیکلز جسم کے لئے زہرکے مترادف ہے، یہی وجہ ہے یہ انسانی صحت کے لئے نہایت نقصان کا باعث بنتے ہیں اور ان کے استعمال سے لوگوں کی بڑی تعداد مختلف بیماریوں کا شکار ہو رہی ہے۔

یہ بھی پڑھیں: تین منٹ میں انڈہ کیسے اُبالیں؟ خاص طریقہ جانیں

اصلی انڈوں کی پہچان

یہاں پر اصلی انڈوں کی پہچان کے کچھ آسان طریقے بتائے جارہے ہیں جن کو مد نظر رکھتے ہوئے آپ اصلی انڈوں کو خرید سکتے ہیں۔

نقلی انڈوں کے چھلکے اوپری جانب سے زیادہ ہموار اور چکنے ہوتے ہیں۔

واضح رہے کہ اصلی انڈوں کی مخصوص بو ہوتی ہے جبکہ نقلی انڈوں میں  کسی بھی قسم کی بو یا مہک نہیں ہوتی۔

یہ بھی پڑھیں: انڈے کی زردی زیادہ فائدے مند یا سفیدی؟ جانئیے

اصلی انڈوں کو ہلانے پر کوئی آواز نہیں آتی بلکہ نقلی انڈوں سے کسی چیز کے ہلنے کی آواز آتی ہے۔