فردوس عاشق اعوان کا کہنا ہے کہ وزیراعظم عمران خان مؤثر اور باوقار انداز سے مظلوم کشمیریوں کا مقدمہ اقوام عالم کے سامنے پیش کر رہے ہیں،مختلف ممالک کےسربراہان سے ملاقاتوں کا محور تنازعہ کشمیر اور اس کی موجودہ سنگین صورتحال تھی۔

وزیراعظم عمران خان مؤثر اور باوقار انداز سے مظلوم کشمیریوں کا مقدمہ اقوام عالم کے سامنے پیش کر رہے ہیں۔مختلف ممالک کےسربراہان سے ملاقاتوں کا محور تنازعہ کشمیر اور اس کی موجودہ سنگین صورتحال تھی۔

— Dr. Firdous Ashiq Awan (@Dr_FirdousPTI) September 24, 2019

معاون خصوصی برائے اطلاعات فردوس عاشق اعوان نے کہا  کہ امریکی صدر ٹرمپ سے ملاقات میں وزیراعظم عمران خان نے مقبوضہ کشمیر میں کرفیو ختم کرانے پر زور دیا، صدر ٹرمپ کا بیان ‘عمران خان اور پاکستان’ پر اعتماد ہے۔

80 لاکھ کشمیری مقبوضہ وادی میں محصور ہیں۔عمران خان نے دنیا کو باور کرایا کہ مقبوضہ جموں کشمیر میں انسانی بحران جنم لے سکتا ہے جس سے امن عالم کو شدید خطرات لاحق ہیں۔

— Dr. Firdous Ashiq Awan (@Dr_FirdousPTI) September 24, 2019

تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر اپنے بیان میں کہا ہے کہ وزیراعظم عمران خان مؤثراندازسےکشمیرکامقدمہ دنیامیں پیش کررہےہیں، مختلف ممالک کےسربراہان سے ملاقاتوں کا محور تنازعہ کشمیر اور موجودہ سنگین صورتحال تھی۔ 

فردوس عاشق اعوان کا کہنا تھا کہ وزیراعظم نے دنیا کو بارآورکرایا کہ انسانی بحران جنم لے سکتا ہے ، جس سے امن عالم کو شدید خطرات لاحق ہیں، وادی جنت نظیر میں زندگی تنگ، گلیاں اور کوچہ و بازار سنسان ہیں ، ٹرمپ سے ملاقات میں وزیراعظم نے مقبوضہ کشمیر میں کرفیو ختم کرانےپرزوردیا۔

فردوس عاشق اعوان کا مزید کہنا تھا کہ صدر ٹرمپ کا بیان”عمران خان اور پاکستان پر اعتماد ہے اور خطے میں قیام امن کیلئے ایران سے بات کرنے کا مینڈیٹ عمران خان کی قائدانہ صلاحیتوں اور دنیا کے پاکستان پر بڑھتے ہوئے اعتماد کا اعتراف ہے،وزیراعظم نےمختلف ملاقاتوں میں دوطرفہ تعلقات کی مضبوطی پرزوردیا اور مقبوضہ کشمیر میں انسانی حقوق کی خلاف ورزیوں سے آگاہ کیا۔

عمران خان نے دنیا پر واضح کیا علاقائی امن کے لیے مسئلہ کشمیر کا حل ناگزیر ہے۔