معاون خصوصی فردوس عاشق اعوان نے کہاہے کہ لیگی دور حکومت میں قطر سے ایل این جی کی درآمد میں ہوشربا مالی بے قاعدگیاں سامنے آرہی ہیں۔

تفصیلات کے مطابق سماجی رابطے کی ویب سائٹ ٹویٹر پربیان دیتےہوئے معاون خصوصی فردوس عاشق اعوان نے کہاکہ لیگی دور حکومت میں قطر سے ایل این جی کی درآمد میں ہوشربا مالی بے قاعدگیاں سامنے آرہی ہیں،ایل این جی درآمد پر 2015-16 کی آڈٹ رپورٹ شاہد خاقان عباسی کے دعوں کی نفی ہے۔

لیگی دور حکومت میں قطر سے ایل این جی کی درآمد میں ہوشربا مالی بے قاعدگیاں سامنے آرہی ہیں۔ایل این جی درآمد پر 2015-16 کی آڈٹ رپورٹ شاہد خاقان عباسی کے دعوں کی نفی ہے۔108 ارب کی بے قاعدگیوں اور صارفین سے ساڑھے چار ارب اضافی وصولیوں کا جواب دینا پڑے گا۔

— Dr. Firdous Ashiq Awan (@Dr_FirdousPTI) December 12, 2019

انہوں نے کہاکہ 108 ارب کی بے قاعدگیوں اور صارفین سے ساڑھے چار ارب اضافی وصولیوں کا جواب دینا پڑے گا۔

فردوس عاشق اعوان کاکہناتھا کہ آج پاکستان کے عوام کو مہنگی گیس خریدنی پڑ رہی ہے تو اس کے پیچھے کٹھ پتلی وزیراعظم کی کارستانیاں ہیں۔

آج پاکستان کے عوام کو مہنگی گیس خریدنے پڑ رہی ہے تو اس کے پیچھے کٹھ پتلی وزیراعظم کی کارستانیاں ہیں۔سیاسی انتقام کا راگ الاپنے اور خود کو بے گناہ قرار دینے والوں کا دامن داغدار ہے۔قومی خزانے کو چونا لگانے والوں سے ایک ایک پائی وصول کی جائے گی۔

— Dr. Firdous Ashiq Awan (@Dr_FirdousPTI) December 12, 2019

معاون خصوصی نے سابق حکومت پر تنقید کرتے ہوئے کہاکہ سیاسی انتقام کا راگ الاپنے اور خود کو بے گناہ قرار دینے والوں کا دامن داغدار ہے، قومی خزانے کو چونا لگانےوالوں سے ایک ایک پائی وصول کی جائے گی۔