دنیابھرمیں کوروناوائرس کی وجہ سےجرائم کی شرح میں غیرمعمولی کمی جبکہ گھروں میں خواتین پر گھریلوتشددمیں اضافہ ہوگیاہے۔

بین الاقوامی خبررساں ادارےکےمطابق کوروناوائرس کی وجہ سےدنیابھرمیں پرتشدد جرائم کی شرح کم ہوگئی ہے،رپورٹ کےمطابق امریکا میں وباکےمرکزنیویارک سٹی میں فروری سےمارچ تک جرائم میں 12 فیصد کمی دیکھی گئی۔

رپورٹ کے مطابق جنوبی افریقہ میں لاک ڈاؤن کے باعث قتل کی شرح 326 سے کم ہو کر 94 ہوگئی۔

جنوبی افریقہ میں خواتین سے زیادتی کی شرح بھی کم ہوگئی، لاک ڈاؤن کے پہلے ہفتے میں زیادتی کے واقعات 700 سے کم ہو کر 101 ہوگئے۔

سینٹرل امریکا کے ملک ایل سلوا ڈورمیں مارچ میں صرف 65 قتل کی وارداتیں ہوئیں جو فروری میں 114 تھیں۔

اسی طرح جنوبی امریکی ملک پیرو میں گزشتہ ماہ جرائم کی شرح میں 84 فیصد کمی ہوئی، پیرو میں روزانہ 15 لاشیں ملنا معمول کی بات تھی۔

رپورٹ کےمطابق لاک ڈاؤن کےدوران گھریلوتشدد کےجرم میں سب سےزیادہ اضافہ ہواہے،برطانوی حکام کاکہناہےکہ گھریلوتشددکےسبب ہاٹ لائن پرمددمانگنےوالوں میں 120 فیصداضافہ ہوا۔