یمن میں جنگ بندی کےاعلان کےفوراًبعدہی کوروناوائرس کےپہلےمریض کی تصدیق ہوگئی ہے۔

عالمی خبررساں ادارےکےمطابق کووڈ-19 کےحوالےسےقائم کردہ یمن کی سپریم نیشنل ایمرجنسی کمیٹی نےصوبےحضرمیں ملک کےپہلےکورونا وائرس میں مبتلامریض کی تصدیق کی ہے۔

تاہم کورونا وائرس سےمتاثرہ شخص کی حالت خطرےسےباہرہےاوروہ مقامی اسپتال میں زیرعلاج ہے۔

کوروناوائرس سے متاثرہ شخص کی شناخت ظاہرنہیں کی گئی ہے ،تاہم عالمی خبررساں ادارےنےدعویٰ کیاہےمذکورہ شخص مقامی بندرگاہ الشحرمیں ملازمت کرتاہےجہاں اس کےساتھ دیگردرجنوں ملازم بھی کام کرتےہیں۔ مذکورہ شخص کےاہل خانہ کوبھی قرنطینہ کردیا گیاہے۔

واضح رہے کہ سعودی فوجی اتحاد نےایک روزقبل ہی یمن میں یکطرفہ طورپردوہفتوں کےلیےجنگ بندی کااعلان کیاتھاتاہم حوثی باغیوں کاکہناتھاکہ سعودی اتحادی افواج نےہمیشہ ہی جنگ بندی کےاعلان کی خلاف ورزی کی ہے۔