یمن میں آئینی حکومت کی حمایت کےلیےقائم کردہ عرب اتحادنےماہ صیام کی آمداورکوروناوائرس کی وجہ سےیمن میں جنگ بندی کی مدت میں مزیدایک ماہ کی توسیع کااعلان کیاہے۔

عرب میڈیاکےمطابق عرب اتحادکےترجمان کرنل ترکی المالکی نےپریس کانفرنس  کےدوران اعلان کرتےہوئےکہاکہ کورونا کی وجہ سےپیداہونےوالےبحرانی حالات اورماہ صیام کے تناظرمیں عرب اتحادنے 30 شعبان 23 اپریل بہ روزجمعرات سے یمن میں مزید ایک ماہ کے لیے جنگ بندی کا اعلان کیا ہے۔

کرنل المالکی نےبتایاکہ یمن میں آئینی حکومت کےدفاع کےلیےکام کرنےوالےعرب اتحاد کو یمن کی موجودہ نازک صورت حال کا احساس ہے۔

 ان کامزید کہناتھاکہ عرب اتحادیمن میں جنگ بندی کومتحارب فریقین کےدرمیان مستقل جنگ بندی کےلیےایک بہترین موقع خیال کرتاہے۔ جنگ بندی کےاعلان سےیمن میں جاری تنازع کے سیاسی حل کاایک اورموقع ملاہےاوریمن کےحوثی باغیوں کواس موقع سےفائدہ اٹھاناچاہیے۔

ترجمان نے جنگ بندی کے باوجودحوثیوں کی طرف سےحملوں پرتشویش کااظہارکرتےہوئےکہاکہ جنگ بندی کےدوہفتوں کے دوران حوثیوں کی طرف سےاس کی 1096 بارخلاف ورزی کی گئی ہے۔