مقبوضہ کشمیرمیں بھارتی فوج نےریاستی دہشت گردی کامظاہرہ کرتےہوئے 5 کشمیری نوجوانوں کوشہید کردیا۔

 میڈیارپورٹس کےمطابق گزشتہ  24  گھنٹوں کےدوران شہیدہونےوالےکشمیری نوجوانوں کی تعداد 9 ہوگئی ہے۔

کشمیرمیڈیاسروس کےمطابق قابض بھارتی فوج نےمقبوضہ کشمیر کے ضلع کپواڑہ کےعلاقےکیران میں  سرچ  آپریشن کےدوران 5 نوجوانوں کوشہیدکردیا ۔

 زرائع  کےمطابق آپریشن کےدوران ایک بھارتی فوجی ہلاک اورایک زخمی بھی ہواہے۔

اس سے قبل ضلع کلگام کےخارجی اورداخلی راستوں کوبندکرکےسرچ آپریشن کےدوران قابض بھارتی فوج نے 4 نوجوانوں کوگولیاں مارکرشہید کردیا۔

آپریشن  کے دوران چادر و چار دیواری کے تقدس کو پامال کرتے ہوئے خواتین کیساتھ بدتمیزی کی گئی جب کہ بچوں اور بزرگوں کو ہراساں کیا گیا۔

شہید ہونے والے نوجوانوں کی شناخت فیاض، عادل، محمد شاہد کے نام سے ہوئی ہے جبکہ چوتھے نوجوان کی شناخت کا عمل جاری ہے۔