سری لنکا کرکٹ ٹیم کے سابق کپتان کمار سنگا کارا نے پاکستان کی 8 سالہ لڑکی سامیعہ افسر کی بیٹنگ اسٹائل کی صلاحیتوں کی تعریف کردی۔

تفصیلات کے مطابق گزشتہ دنوں سامیعہ افسر کی بیٹنگ کرنے کی ویڈیو سوشل میڈیا پر خوب وائرل ہوئی، ویڈیو میں اُن کے بیٹنگ کرنے کے اسٹائل کو سری لنکا کے سابق کپتان کمار سنگاکارا کے ساتھ مشابہت دی گئی۔

دوسری جانب سابق کپتان کمار سنگاکارا نے بھی سماجی رابطے کی ویب سائٹ ٹوئٹر پر اپنے پیغام میں کہا کہ ینگ ٹیلنٹ کی تکنیک مجھ سے بہت بہتر ہے، کرکٹ میں ایسا ٹیلنٹ دیکھنا بہت اچھی چیز ہے۔

Can’t get over how good this little player is. Much better technique than mine already. So encouraging to see such talent in cricket

Advertisement

— Kumar Sangakkara (@KumarSanga2) April 26, 2020

انہوں نے مزید کہا کہ میں سمجھتا ہوں کہ بیٹنگ کا مستقبل محفوظ ہاتھوں میں ہے، اس عمر میں ایسا ٹیلنٹ دیکھ کر بہت متاثر ہوا ہوں۔