افغانستان کےصوبےہلمندمیں فوجی بیس پرخود کش حملےمیں 18 اہلکارہلاک اورمتعدد اہلکارذخمی  ہوگئے۔

افغان میڈیاکےمطابق خودکش حملہ آورنےفوجی  بیس  پر بارود سے بھری کارٹکرا دی جس کےنتیجے میں 18 اہلکارہلاک اور 25 سےزائد زخمی ہیں۔

رپورٹ کے مطابق ہلمند کے فوجی اڈےپرایک تیزرفتارکارتمام رکاوٹیں توڑکراندر داخل ہوگئی اورزورداردھماکےسےتباہ ہوگئی ۔

ریسکیو ادارے نےہلاک اورزخمی ہونےوالوں کوقریبی ملٹری اسپتال منتقل کردیاہےجہاں 9 اہلکاروں کی حالت تشویشناک ہونے کے باعث ہلاکتوں میں اضافے کا خدشہ ظاہر کیا جا رہا ہے۔

افغان حکام کےمطابق سیکیورٹی فورسزاورحملہ آوروں کےدرمیان مقابلہ تین گھنٹےتک جاری رہا۔

دوسری جانب  افغانستان میں طالبان کےترجمان قاری یوسف احمدی نےحملے کی ذمہ داری قبول کرتےہوئےدعویٰ کیاہےکہ اس کارروائی میں 2 درجن سےزائد افغان اہلکارہلاک ہوئےہیں اوراسلحہ ڈپوبھی تباہ ہوا ہے۔

گزشتہ ماہ کےآخرمیں افغانستان کے دارلحکومت کابل میں خودکش دھماکہ ہواتھاجس کےنتیجےمیں  3 افراد ہلاک  جبکہ  13 افراد زخمی ہوگئےتھے۔