چین میں اسکول کے محافظ نے بچوں اور اساتذہ پر چاقو سے حملہ کرتے ہوئے ان کو جان سے مارنے کی کوشش کی۔

برطانوی میڈیا کا کہنا ہے کہ افسوسناک  واقعہ جنوبی چین کے علاقےکے ایک اسکول میں پیش آیا جہاں چاقو سے حملے کے نتیجے میں 39 بچے اور اساتذہ زخمی ہوگئے۔

چین کے مقامی وقت کے مطابق واقعہ جمعرات کی صبح ساڑھے 8 بجے اسکول لگنے کے وقت پیش آیا جس میں اسکول کے ہی محافظ نے بچوں اور ٹیچروں پر چاقو سے حملہ کیا اور اس کے نتیجے میں 37 بچے 2 ٹیچر زخمی ہوئے۔

رپورٹ کے مطابق 39 میں سے 37 بچوں کو معمولی زخم آئے اور 2 شدید زخمی ہوئے جن کی حالت خطرے سے باہر ہے جب کہ پولیس نے حملہ آور کو گرفتار کرلیا۔

پولیس کے مطابق تاحال حملے کی وجوہات سامنے نہیں آسکی ہیں تاہم اس سلسلے میں تحقیقات کی جارہی ہیں۔