پاکستان شوبز انڈسٹری کے معروف اداکار فیروز خان کے مطابق لوگوں کو صدف، شہروز اور سائرہ تینوں کو تنہا چھوڑنا چاہیئے۔

تفصیلات کے مطابق اداکار فیروز خان کا شہروز سبزواری کی سابقہ اہلیہ اور اداکارہ سائرہ یوسف کے بارے میں کہنا ہے کہ شہروز کی شادی سے سائرہ کو کوئی فرق نہیں پڑنا چاہئے کیونکہ سائرہ کے پاس اب بھی بےشمار آپشنز موجود ہیں ۔

See more

سماجی رابطے کی ویب سائٹ انسٹاگرام پر اداکار نے مداحوں کیلئے سوال جواب کا ایک سیشن رکھا جس میں انہوں نے مداحوں کے سوالوں کے جواب دیئے۔

فیروز خان نے جواب دیتے ہوئے کہا کہ بعض اوقات لوگ(عوام) بہت مضحکہ خیز باتیں کرنے لگ جاتے ہیں، جو غلط ہے۔

See more

واضح رہے کہ رواں سال مارچ کے مہینے میں مقبول اداکار جوڑی شہروز سبزواری اور سائرہ یوسف نے شادی کے 8 برس بعد ایک دوسرے سے راہیں جدا کرلیں۔

دونوں نے طلاق کی وجہ کو خفیہ رکھا ہے اور نا ہی یہ بتایا گیا ہے کہ ان کے درمیان کب طلاق ہوئی۔

طلاق کی تصدیق کے 2 ماہ بعد شہروز سبزواری نے تصدیق کی کہ انہوں نے ماڈل صدف کنول سے نکاح کرلیا ہے۔