خیبر پختونخوا حکومت کی جانب سے تمام سرکاری دفاتر کھولنے کا فیصلہ کیاگیاہے۔

تفصیلات کے مطابق  خیبرپختون خواہ کی  جانب سے جاری کردہ اعلامیے کے مطابق تمام سرکاری دفتر پیر سے جمعرات تک کھلے رہیں گے جن کے اوقات کار صبح 9 بجے سے شام 4 بجے تک ہوں گے۔

اعلامیے میں کہا گیا ہے کہ 50 سال سے زیادہ عمر کے ملازمین دفاتر نہیں آئیں گے اور وہ گھر سے کام کریں گےجبکہ    بخار، کھانسی اور فلو میں مبتلا ملازمین بھی گھروں سے کام کرنے کے پابند ہوں گے۔

اعلامیے کے مطابق خواتین ملازمین جو بچوں کو دفاتر ساتھ لاتی ہیں، وہ بھی گھروں سے کام کریں گی۔

جاری کردہ اعلامیے میں کہا گیا ہے کہ ضابطہ کار (ایس او پیز) کے مطابق وزیٹرز کا داخلہ محدود کردیا گیا ہے اورتمام ملازمین احتیاطی تدابیر اختیار کرنے کے پابند ہوں گے۔

واضح رہے کہ کورونا وائرس کے پیش نظر ملک بھر میں وفاقی اور صوبائی محکموں کے دفاتر بند کردیے گئے تھے تاہم لاک ڈاؤن میں نرمی کے بعد دفاتر دوبارہ کھولنے کا سلسلہ شروع ہوگیا ہے۔