کورونا ایس اوپیز پر عمل نہ کرنے والے شہریوں اور دوکانداروں کیخلاف آپریشن جاری ہے۔

تفصیلات کے مطابق اسلام آباد میں گزشتہ چوبیس گھنٹوں کے دوران ماسک نہ پہننے اور سماجی فاصلہ نہ رکھنے پر12افراد کو گرفتار کرلیا گیا، درجنوں افراد پر 12200روپے جرمانہ کیا گیا۔

ایس او پیز کی خلاف ورزی پر 6 ہوٹل اور 19 دوکانیں سیل کی گئ ، ٹریفک ایس اوپیز پر عمل نہ کرنے والے 13 گاڑیوں کے مالکان کو جرمانے کئے گئے۔

مختلف علاقوں میں ایس اوپیز کی خلاف ورزی پر 4ورکشاپس اور 2فیکٹریاں سیل کی گئیں۔

واضح رہے کہ پاکستان میں ناصرف کورونا کیسز کی تعداد میں بلکہ اس سے اموات میں بھی تیزی سے اضافہ ہو رہا ہے۔

پاکستان میں کورونا وائرس کے کیسز کی تعداد 98 ہزار 943 ہو چکی ہے، جبکہ اس موذی وباء سے جاں بحق افراد کی کُل تعداد 2 ہزار 2 ہو گئی۔

کورونا وائرس کے ملک میں 63 ہزار 476 مریض اب بھی اسپتالوں، قرنطینہ مراکز اور گھروں میں آئسولیشن میں ہیں، جبکہ 33 ہزار 465 مریض اس بیماری سے صحت یاب ہو چکے ہیں۔