وزیراعظم نے کہا ہے کہ اگرعوام نے ایس او پیز پرعمل نہ کیا تو ہسپتالوں پر بوجھ پڑے گا۔

تفصیلات کے مطابق وزیراعظم عمران خان نے ٹائیگر فورس کے رضا کاروں سے بات چیت کرتے ہوئے کہا برسات میں مثالی شجرکاری کرنی ہے، لوگوں کو احتیاط کرائیں تو وبا سے بچا جاسکتا ہے۔

انھوں نے مزید کہا کہ ہمارے پاس پڑھے لکھے لوگ ہیں، رضا کارانہ کام کرنے پر ٹائیگر فورس کے جوانوں کا مشکور ہوں، ملک میں ایس او پیز پر عملدرآمد ٹائیگر فورس نے کرایا۔

واضح رہے کہ پاکستان میں کورونا وائرس اتنی تیزی سے پھیل رہا ہے کہ مریضوں کی تعداد کے حوالے سے مرتب کی گئی ممالک کی فہرست میں پاکستان 14 ویں نمبر پر آ گیا ہے۔