سندھ کی مویشی منڈیوں میں اب صبح 7سے رات 11 بجے تک کاروبار کیا جاسکے گا۔

نیشنل کمانڈ اینڈ آپریشن سینٹر کے فیصلے کے تناظر میں صوبائی حکومت نے مویشی منڈیوں میں کاروباری اوقات کار بڑھادیے ہیں۔

 نوٹیفکیشن کے مطابق مویشی منڈیوں میں صبح 7 بجے سے رات گیارہ بجے تک کاروبار کرنے کی اجازت ہوگی ،حکومت سندھ نے نوٹیفکیشن جاری کردیا ہے ۔

کمشنر کراچی کا کہنا ہے کورونا ایس او پیز کے تحت عید پر شہر کے تمام تفریحی مقامات بند رہیں گے۔

دوسری جانب کمشنر کراچی نے کورونا صورت حال کے پیش نظر نیا حکم جاری کیا ہے جس کے تحت پارک، ساحل اور تفریحی مقامات 4 اگست تک بند رہیں گے جبکہ سوئمنگ پولز، گراؤنڈز اور انڈور جم پر 4 اگست تک پابندی عائد رہے گی۔