کورونا وبا کے دوران لاک ڈاؤن سے متاثرہ مزدوروں اور کم آمدنی والے افراد کے لیے حکومت کے احساس ایمرجنسی کیش پروگرام کے تحت ملک میں ایک کروڑ23 لاکھ سے زائد محنت کش افراد میں رقم تقسیم کی جاچکی ہے۔

احساس ایمرجنسی کیش پروگرام کی جانب سے جاری  اعلامیہ کے مطابق مستحق افراد میں 149 ارب 97 کروڑ روپے سے زائد رقم تقسیم کی جا چکی ہے۔

حکومتی اعلامیے کے مطابق پنجاب میں 55 لاکھ 50 ہزار سے زائد افراد میں 67 ارب 19 کروڑ روپے تقسیم کیے، سندھ میں 37 لاکھ 24 ہزار سے زائد افراد میں 44 ارب 91 کروڑ روپے تقسیم کیے گئے۔

خیبرپختونخوا میں 21 لاکھ 34 ہزار سے زائد افراد میں 25 ارب 90 کروڑ روپے تقسیم ہوئے جب کہ بلوچستان میں 6 لاکھ 26 ہزار سے زائد افراد میں 7 ارب 60 کروڑ روپے مستحقین میں تقسیم کیے گئے۔

آزاد کشمیر میں 2 لاکھ 2 ہزار سے زائد افراد میں رقم  2 ارب 47 کروڑ روپے تقسیم کیے گئے۔