پاکستان کے نامور گلوکار ساحر علی بگا موسیقی کی دُنیا کے بعد اب یوٹیوب پر بھی چھا گئے۔

ساحر علی بگا کے یوٹیوب چینل پر 1 اعشاریہ 57 ملین یعنی دس لاکھ سے زائد سبسکرائبرز ہوگئے ہیں۔

گلوکار کو اِس ضمن میں یوٹیوب کے عہدیداروں کی جانب سے یوٹیوب کے ’گولڈن پلے بٹن‘ سے نوازا گیا ہے۔

گلوکار ساحر علی نے ویڈیو شیئرنگ ایپ انسٹاگرام پر مداحوں کے ساتھ اس خوشی کے لمحے کو شئیر کیا۔

See more

گلوکار ساحر کی جانب سے پوسٹ کی جانے والی تصویر میں گلوکار ہاتھ میں یوٹیوب کے جانب سے حاصل ہونے والے ’گولڈن پلے بٹن‘ پکڑے ہوئے ہیں۔

یاد رہے کہ ساحر علی بگا نے متعدد پاکستانی فلموں اور ڈراموں کے لیے میوزک کمپوز کیا ہے اور راحت فتح علی خان اور شفقت امانت علی جیسے مشہور گلوکاروں کے ساتھ بھی ملکر گلوکاری کی ہے۔

دوسری جانب ساحر علی بگا نے اپنے نئے آنے والے گانے’لمحہ‘ کے حوالے سے بھی ایک پوسٹ کی جس میں اُنہوں نے اپنے نئے گانے کا پوسٹر شیئر کیا۔

See more

واضح رہے کہ انسٹاگرام پر اپنے نئے گانے ’لمحہ‘ کا پوسٹر شیئر کرتے ہوئے ساحر علی بگا نے اپنے مداحوں کو بتایا کہ اُن کا گانا ’لمحہ‘ 12جولائی کو ریلیز کیا جائے گا۔