سندھ حکومت کی جانب سے کورونا وبا کے سدباب سے متعلق ازخود نوٹس کیس کیلئے رپورٹ تیار کرلی  گئی جو سپریم کورٹ میں جمع کروائی جائے گی۔

سندھ حکومت کی رپورٹ کے مطابق گلستان جوہرکراچی میں 50 بستروں پر مشتمل اسپتال اور  کورونا کے باعث 200 بیڈز پرمشتمل سندھ ڈیزیزکنٹرول اسپتال فعال کردیا گیا ہے۔

رپورٹ میں بتایا گیا کہ 34 ارب روپے معاشی استحکام کیلئے مختص کیے گئے ہیں، ترقیاتی بجٹ میں سماجی تحفظ،غربت کے خاتمے کیلئے 3917 ملین اضافی مختص کیے جب کہ  ترقیاتی بجٹ میں انفرااسٹرکچرڈویلپمنٹ پر31.6 فیصد خرچ ہوگا،  ترقیاتی بجٹ میں واٹرسپلائی اورسینی ٹیشن پر12.06 فیصد خرچ ہوگا۔

رپورٹ کے مطابق بجٹ میں 45.790 ارب روپے کراچی کے ترقیاتی کاموں کیلئے مختص کیے، سندھ حکومت نےنئی گاڑیوں پربلوچستان کےعلاوہ تمام صوبوں سے کم رقم خرچ کی۔