قومی احتساب بیورو (نیب) کی جانب سے سابق وزیر خارجہ اور ن لیگی رہنما خواجہ آصف کو کینٹ ہاؤسنگ سوسائٹی سیالکوٹ کیس میں دوبارہ طلب کرلیاگیا۔

نیب لاہور کےترجمان کے مطابق  خواجہ آصف کو  26 جون کو طلب کیا گیا  تھا تاہم  قومی اسمبلی کے بجٹ اجلاس میں شرکت کے باعث ان کی جانب سے دوبارہ نئی تاریخ مانگی گئی تھی۔

ترجمان نے بتایا کہ خواجہ آصف کے وکیل نجم الحسن نے نیب حکام کو جواب جمع کرایا تھا تاہم  نیب حکام نے جواب کا جائزہ لینے کے بعد غیر تسلی بخش قرار دیتے ہوئےانہیں  دوبارہ طلب کرلیا۔

 خواجہ آصف کو کل 3 جولائی کو ذاتی حیثیت میں پیش ہونے کی ہدایت کی گئی ہے۔