پاکستان پیپلز پارٹی (پی پی پی) کے چیئرمین بلاول بھٹو زرداری نےفاروق آباد ٹرین حادثے میں قیمتی جانوں کے ضیاع پر افسوس کا اظہار کرتے ہوئے کہاہے کہ نااہل حکومت کا خمیازہ معصوم شہریوں کو بھگتنا پڑ رہا ہے۔

تفصیلات کے مطابق بلاول بھٹق نے کہا کہ ٹرین حادثات کے متعلق سلیکٹڈ وزیراعظم آج ایک بار پھر اپنے پرانے بیان کی ویڈیو کلپ چلا کر دیکھ لیں، آئے روز کبھی طیارہ تو کبھی ٹرین حادثہ ہوجاتا ہے، کیا حکومتیں ملک کو اس طرح چلاتی ہیں؟

پی پی چیئرمین نے کہا کہ حکومت کی جانب سے حادثات پر نوٹس لینے والا ڈھونگ بے اثر ہوچکا ہے، وزیراعظم اب یہ تکلیف بھی نہ اُٹھائیں۔

بلاول بھٹو زرداری نے متاثرہ خاندانوں سے ہمدردی کا اظہار کرتے ہوئے زخمیوں کے بہتر علاج معالجے کو یقینی بنانے پر زور دیا ہے۔