مریم اورنگزیب کا کہنا ہے کہ موجو دہ حکومت  پورے ملک کو بی آر ٹی پشاور میٹرو بنا رہی ہے۔

تفصیلات کے مطابق پاکستان مسلم لیگ ن کی ترجمان مریم اورنگزیب نے اپنے ایک بیان میں وزیر اعظم عمران کی کارکردگی پر تنقید کرتے ہوئے کہا ہے کہ عمران صاحب ملک کے ساتھ وہی کر رہے ہیں جو بی آر ٹی کے ساتھ کیا، پورے ملک کو بی آر ٹی پشاور میٹرو بنایا جا رہا ہے۔

مریم اورنگزیب نے کہا ہے کہ کس منصوبے سے پیسے کیسے کمانے ہیں، یہ کوئی عمران صاحب سے سیکھے، جس کمپنی پر پرچہ درج کرانا اور بلیک لسٹ کرنا چاہیے تھا، مزید ٹھیکے دے دیئے، چونکہ پیسے کھا رہے ہیں، اس لیے منصوبہ مکمل ہو نہ ہو، ٹھیکہ اسی کمپنی کو ملے گا۔

ترجمان ن لیگ نے کہا  کہ بی آرٹی بنانے والی کمپنی کو2.248 ارب کے منصوبہ جات مفادات کےٹکراؤ کی کھلی مثال ہے،یہ وہی کمپنی ہے جس کا کیس وزیراعلیٰ شہبازشریف نے اینٹی کرپشن پنجاب کے حوالے کیا تھا۔

انھوں نے مزید کہا کہ مشکوک کمپنی کو منصوبے دینے کا مطلب اسلام آباد کو بی آرٹی پشاور بنانے کی تیاری ہے۔