لاہور میں عید کے دوسرے دن  شدید موسلا دھار بارش نے جل تھل ایک کردیا ۔

لاہور کے مال روڈ، اسلام پورہ، جوہر ٹاؤن، لکشمی چوک، گلشن راوی اور اطراف کے علاقوں میں بارش ہوئی ہے۔

تیز بارش کےبعدلاہورمیں حبس اورگرمی کازوربھی ٹوٹ گیا۔

 بارش کے  باعث  شہر میں  کوڑا کرکٹ اور گندگی بارش کے پانی میں بہہ گئی جبکہ کئی علاقوں میں بارش کا پانی جمع ہو گیا۔

لاہور ڈپٹی کمشنر دانش افضال نے بارش کے بعد شہر میں تمام محکموں کو الرٹ کرتے ہوئے ہدایت کی ہے کہ واسا کا عملہ فوری نکاسی یقینی بنائے۔

ڈپٹی کمشنر لاہور نے اسسٹنٹ کمشنرز کو شہر بھر میں نکاسی کے عمل کی نگرانی کرنے کی ہدایت بھی کی ہے۔

دوسری جانب پسرور، شیخو پورہ، گوجرانوالہ اور حافظ آباد سمیت پنجاب کے کئی دیگر شہروں میں بھی موسلا دھار بارش ہوئی ہے۔

محکمۂ موسمیات کے مطابق آج بالائی پنجاب، بالائی خیبر پختون خوا، کشمیر اور گلگت بلتستان میں بارش ہو سکتی ہے۔