سندھ ہائیکورٹ کی جانب سے وزیرِ اعلیٰ سندھ مراد علی شاہ کو تاحیات نا اہل قرار دینے کے لیے درخواست کی سماعت کرتے ہوئے فوری سماعت کی استدعا پر فریقین کو نوٹس جاری کا گیا ہے۔

تفصیلات کے مطابق سندھ ہائیکورٹ نے ایڈووکیٹ جنرل سندھ سے 27 اگست کو جواب طلب کرلیا۔

درخواست میں مؤقف اختیار کیا گیا ہے کہ 2 مئی 2013ء کو سپریم کورٹ نے وزیراعلیٰ سندھ کو نااہل قرار دیا ہے، نااہلی کے باوجود مراد علی شاہ نے جامشورو سے ضمنی الیکشن لڑا۔

درخواست گزار کی جانب سے عدالت سے استدعا کی گئی  کہ وزیراعلیٰ سندھ نے 2013ء اور 2018ء کا الیکشن غلط لڑا، لہٰذا انہیں تاحیات نااہل قرار دیا جائے۔

خیال رہے کہ درخواست میں وزیرِ اعلیٰ سندھ مراد علی شاہ ، الیکشن کمیشن آف پاکستان، چیف سیکریٹری سندھ، صوبائی الیکشن کمشنر و دیگر کو فریق بنایا گیا ہے۔