پاکستان شوبز انڈسٹری کی معروف اداکارہ صبا قمر نے ہدایت کاری کے میدان میں بھی قدم رکھ دیا۔

تفصیلات کے مطابق صبا قمر کی ہدایت میں بنایا گیا گلوکار بلال سعید کا گانا ریلیز کردیا گیا ہے۔

اداکارہ صبا قمر نے مائیکرو بلاگنگ ویب سائٹ ٹوئٹر پر گانے کی ویڈیو شیئر کرتے ہوئے کہا کہ یہ گانا اُن کے دل کے بے حد قریب ہے کیونکہ یہ ہدایت کاری کے میدان میں ان کا ڈیبیو ویڈیو ہے۔

انہوں نے یہ بھی بتایا کہ ’قبول‘ اُن کی پہلی میوزک ویڈیو ہے جس میں انہوں نے بطور رائٹر اور اداکارہ بھی کام کیا ہے۔
اداکارہ نے ٹویٹر پیغام میں ’قبول‘ کی ویڈیو میں شامل کرنے پر بلال سعید کا شکریہ بھی ادا کیا۔

https://www.bolnews.com/urdu/latest/2020/08/817797/amp/

خیال رہے کہ ‘قبول’ کی 04 منٹ کی ویڈیو میں صبا قمر اور بلال سعید نے ہی پرفارم کیا ہے، گانے کے رائٹر، کمپوزر اور پروڈیوسر بھی بلال سعید خود ہی ہیں۔

خیال رہے کہ اس گانے کی ویڈیو کی شوٹنگ کے دوران ایک سین کو تاریخی وزیر خان مسجد میں فلمایا گیا جس پر صبا قمر اور بلال سعید کو سوشل میڈیا پر خوب آڑے ہاتھوں لیا گیا۔

اداکارہ صبا قمر کی مسجد کے محراب میں بنائی گئی ایک ویڈیو وائرل ہوئی تھی اور اداکارہ کو کڑی تنقید کا سامنا کرنا پڑا تھا۔