ضلع خیبر کی تحصیل باڑہ میں پہلا پولیس اسٹیشن قائم کر دیا گیا ہے۔

فاٹاکے صوبےمیں انضمام کے بعد قبائلی اضلاع میں یہ پہلا پولیس اسٹیشن قائم کیاگیا ہے۔

سی سی پی او پشاور محمد علی گنڈاپور کا کہنا ہے کہ  قبائلی اضلاع کے 28 ہزار خاصہ داراورلیویز فورس پولیس میں ضم ہوچکے ہیں۔

ایک لاکھ سے زائد آبادی پر مشتمل وادی تیراہ افغان سرحدسے متصل ہے اور ہزاروں سال وادی تیراہ ہر حکومت کی عمل داری سے باہر رہی ہے۔

قبائلی اضلاع سے دہشت گردی کی افریت کے خاتمے کے بعد حکومت پولیس نظام کو مربوط بنانے کے لئے پرعزم ہے جس سے مقامی شہریوں کو انصاف تک رسائی میں مدد بھی مل سکتی ہے۔