پی ٹی آئی کراچی کے صدر خرم شیر زمان نے کہا ہے کہ ن لیگ کی سیاست صرف سڑکوں تک ہی محدود ہے۔

تفصیلات کے مطابق رہنماء ن لیگ شہباز شریف کے متنازعہ بیان پر پی ٹی آئی کراچی کے صدر خرم شیر زمان نے ردعمل دیتے ہوئے کہا کہ شہباز شریف گوجرپورہ واقعے پرغیرمناسب بیان پر مستعفی ہوں جبکہ ان کے بیان پر تالیاں بجانے والے بھی ذہنی غلام بنے رہے۔

پی ٹی آئی کراچی کے صدر نے کہا کہ شہباز شریف کے گوجرپورہ موٹر وے سانحہ کو سیاست کے نظر کرنا باعث شرم ہے۔

خرم شیر زمان نے یہ بھی کہا کہ شریف خاندان کے پٹواری کم ظرفی کا مظاہرہ کرنے کے عادی ہیں، چھوٹے میاں متاثرہ خاتون کو حوصلہ دینے کے بجائے بھائی کی تعریفوں کے پل باندھ رہے ہیں۔

پی ٹی آئی کراچی کے صدر خرم شیر زمان نے مزید کہا کہ شہباز شریف کو بھائی کی بنائی موٹروے اتنی عزیز ہے تو انہیں وطن واپس لے آئیں، موصوف کو زینب قتل کیس یاد دلایا جائے کیسے زینب کے والد کا مائیک بند کرکے تزلزل کی تھی۔