بھارت میں خاتون سے اجتماعی زیادتی کے بعد ملزمان نے ویڈیو سوشل میڈیا پر شئیر کردی ۔

بھارتی میڈیا کے مطابق واقعہ راجستھان کے شہر الور میں  6 ملزمان نے 45 سالہ خاتون کو اجتماعی زیادتی کا نشانہ بنانے کے بعد واقعے کی ویڈیو بناکر اسے آن لائن پوسٹ کردیا۔

 پولیس کاکہنا ہےکہ  45 سالہ شادی شدہ خاتون اپنے بھتیجے کے ساتھ کسی کام سے باہر گئی تھیں اور واپس گھر آتے ہوئے راستے میں 6 ملزمان نے انہیں روک لیا۔

ملزمان نے پہلے خاتون اور ان کے بھتیجے سے بدسلوکی کی اور پھر وہ دونوں کو اٹھاکر لے گئے جہاں ملزمان نے خاتون سے نہ صرف اجتماعی زیادتی کی بلکہ اس واقعے کی ویڈیو بھی بنائی جسے ملزمان نے سوشل میڈیا پر پوسٹ کردیا۔

پولیس کے مطابق واقعے  کا مقدمہ درج کرلیا ہے جبکہ خاتون کے بیان کی روشنی میں 2 ملزمان کو گرفتار کرکے دیگر کی تلاش جاری ہے۔