پنجاب حکومت نے دی پنجاب ڈرگ ترمیمی بل 2020ءکی منظوری دے دی ہے  ۔

جعلی کاسمیٹکس تیاراور فروخت کرنے والوں کے خلاف کارروائی کا فیصلہ کرتےہوئے پنجاب حکومت نے ڈرگ ترمیمی بل 2020 کی منظوری دی ہے۔

وزیراعلیٰ پنجاب عثمان بزدار کا کہنا ہے کہ سابق دورمیں غیر معیاری اور جعلی کاسمیٹکس تیار اور فروخت کرنے والے مافیا کو کھلی چھوٹ دی گئی۔

عثمان بزدار نے کہا کہ متعلقہ ادارے سوئے رہے اورجعلسازی کے ذریعے عوام لٹتے رہے، مارکیٹ میں اوریجنل برانڈ کی دستیابی یقینی بنائی جائے گی۔

وزیراعلیٰ پنجاب کا کہنا تھا کہ کینسر، الرجی اورجلدی ا مراض کا سبب بننے والے اجزاء سے پاک کاسمیٹکس مصنوعات تیار ہوں گی اور اصلی برانڈز کی دستیابی یقینی بنائی جائے گی۔

عثمان بزدار نے کہا کہ اب کاغذوں میں نہیں بلکہ عملی طورپر اس مافیا کاسدباب ممکن ہوگا۔

وزیراعلیٰ پنجاب نے کہا کہ عوام کے وسیع تیار مفاد میں پنجاب ڈرگ ترمیمی بل کو کابینہ نےمنظور کیا ہے۔