ترک ڈرامہ ارطغرل غازی کے مرکزی کردار انگین التان نے پاکستانی برانڈ کا سفیر بننے کی تصدیق کردی۔

ترک اداکارانگین التان نے کئی بار پاکستان آنے کی خواہش کا اظہار کیا ہے تاہم انہوں نے اب تک یہ نہیں بتایا کہ وہ کب پاکستان آئیں گے۔

گزشتہ عرصہ قبل انگین التان کے پاکستان آنے کی خبریں زیر گردش تھیں تاہم وہ پاکستان نہیں آئے تھے بلکہ ایک خصوصی تقریب کے دوران 3 بیمار بچوں سے آن لائن ملاقات کی تھی۔

چند روز قبل ارطغرل غازی کے مرکزی کردار دارالحکومت اسلام آباد کی نجی ہاؤسنگ سوسائٹی کے برانڈ کے سفیر بن گئے تھے۔

See more

اس حوالے سے نجی ہاؤسنگ سوسائٹی نے فوٹو شیئرنگ ایپ انسٹاگرام پر جاری مختلف پوسٹس میں بتایا تھا کہ انگین التان جلد اسلام آباد میں بلو ورلڈ میں مسجد کے سنگ بنیاد کی تقریب میں شرکت کریں گے۔

اس حوالے سے ایک اور پوسٹ میں کہا گیا تھا کہ انہیں پاکستان میں انگین التان دوزیتان کی میزبانی کا اعزاز حاصل ہوا ہے اور جلد ان کا تاریخی استقبال ہوگا۔

See more

اب انسٹاگرام پر جاری کردہ ویڈیو میں انگین التان نے پاکستانی برانڈ کا ایمبیسڈر بننے کی تصدیق کردی۔

ویڈیو میں انگین التان نے کہا کہ سلام پاکستان، آپ کی محبت اور عزت کا بہت شکریہ۔

انہوں نے کہا کہ میں بلو ورلڈ سٹی کا برانڈ ایمبیسڈر بننے پر بہت پرجوش ہوں اور جلد پاکستان آؤں گا۔

See more

تاہم انہوں نے اسلام آباد میں مسجد کے سنگِ بنیاد کی تقریب میں شرکت کرنے کے حوالے سے کچھ نہیں بتایا۔